|
|
|
|
|
Proverbi siciliani
Cu d'autru si vesta curriennu si spogghia.
A rroba e l'autri è duci ma nun lucia.
Nun sempri abballa la donna 'nteatru, nè sempri arrida a muggheri do latru.
U lupu perda u pilu ma no u viziu.
Tantu va a quartara all'acqua ca si rumpa.
L'uomini nun si pisinu a cantaru, ma vanu ad unza, a pisu comu l'oru.
L'oru si tenna nne carti.
Cu di natura è mancari 'un pò. '
Nzocchi fa a natura a morti u leva.
Cu nascia tunnu nun pò mòriri quatratu.
Cu pratica cco zuoppu all'annu zuppìa.
Da testa feta u pisci.
Cu manìa nun pinìa.
Cu mangia fa muddichi.
Un mali tanti mali porta.
Ppò tintu pata u buonu.
Vestiri e mangiari o patruni a talintiari.
Cu nescia arrinescia.
Càulu e uomu unni nascia nun sta buonu.
A petra ca nun fa lippu sa tira u sciumi.
A casa capa quantu vola u patruni.
Di matina si vida u bongiornu.
A matinata fa a iurnata.
Iurnata rutta rùmpila tutta.
Quantu sapi un pazzu 'ncasa sò, nun pò sapiri un saviu 'ncasa d'autru.
I guai da pignata i sapi a cucchiara che rrimina.
Fa u mistieri ca sa fari, ca se n'arricchisci ci pò campari.
Cu è lestu nno mangiari è lestu nno travagghiari.
U pani do cuvernu è picca ma è eternu.
A pignata do cumuni 'un vugghia mai.
Travagghiu ppò re, cchiù ppicca nni fai e miegghiu è.
U travagghiu do lagnusu nun si pò paàri.
Cu seda maluppensa.
Cu n'è buonu ppò re, n'è buonu mancu ppà rigina.
Tanti genti a praticari e tanti libri a studiari fa l'uomu scienti.
U mastru è mastru ma u patruni è capummastru.
U miegghiu mastru si nni va 'ncannila.
Quattru uocchi vidinu cchiassai di dui.
Cu allonga accurza e cu accurza allonga.
Nuddu nascia 'nsignatu.
Supra nu ccappieddu ci nn'è n'autru.
Dissa lu puddicinu nni la nassa unni maggiuri c'è minuri cessa.
Tanti su i cchianati e n'autru tanti su i scinnuti.
I crapi sàtinu ppè mura.
Cu camina nun sfarda quazara.
Quannu u pedi camina u cori sciala.
U pazzu e u cattivu d'unni vola pigghiàri pìgghia.
Nun disiari vientu a mari ca a timpesta pò arrivari.
Cu vincia perda, e cu perda perda do tunnu.
Amaru cu è muortu nnò cori i n'autru.
Addumannari è arti leggia.
Cu vola u piaciri s'accatta a signa.
Metta u pani o denti ca a fami si senta.
|
|
|
|
|
|
