|
|
|
|
Proverbi siciliani
Cu primu nun pensa all'urtimu suspira.
Miegghiu diri "cu sà" ca "se sapia...".
Santu Sapìa nun c'è nna litanìa.
Pensa o mali se vuoi u beni.
Cu si uardau si sarbau.
Scàcciti juncu ca passa la china.
Bon tiempu e maluttiempu nun dura tuttu tiempu.
Tutti i cunsigghi pìgghia, ma u to nun u lassari.
Attacca u sceccu unni vola u patruni.
U fùiri è vriogna ma è sarbamientu di vita.
U mieggiu tiempu è chiddu ca vena appriessu.
Miegghiu l'uovu oggi ca addina dumani.
A collira da sira sarbitilla ppà matina.
Ogni 'mpidimientu è giuvamientu.
Cu pàa primu mangia pisci fitusu.
Cu pàa a sira è francu a matina.
Cu nun rìsica nun rùsica.
Quannu unu è nn'abballu a ballari.
Cu lassa a vecchia ppà nova tintu s'attrova.
Avanti u tintu saputu ca u buonu a sapìri.
Cu vola anna e cu nun vola manna.
Chiddu ca ppì ttìa nun vuoi ad autru nun fari.
O stuortu o rittu addifenna u to.
Tinti i manu ca n'aiutinu o patruni.
Cu avi pietà de carni i l'autri, i so si manginu i cani.
Nun prumettiri e santi diuna nè e carusi cudduruna.
Cu è cumpagnu nun è patruni.
Cu avi cumpagni avi patruna.
Cu sputa 'ncielu 'nfacci ci torna.
Miegghiu un diavulu cent'unzi ca un minchiuni cientu rani.
Cu pò fari e nun fa è gran pazzìa.
Cu avi cchiù sali conza a minestra.
Bisuognu metta liggi.
Amaru cu è nno bisuognu.
Vasa i manu a cu si mierita tagghiati.
L'erba tinta nun mora mai.
Miegghiu na festa ca tanti fistuddi.
Avanti na vota arrussicari ca tanti voti aggiarniari.
Cu si curca cchè carusi cciagghiorna cco liettu pisciatu.
Cu duna u pani o cani stranu appizza u pani e u cani macari.
Cu leva u carrinu o nutaru leva u pani e so figghi.
Cu nun è 'nsignatu a purtari i stivali quannu chiova si carrica 'ncuoddu.
Cu a spranza d'autru sta, a so pignata 'un vugghia ma'.
Cu fa trenta e 'un fa trentunu, appizza u trenta e u trentunu.
Cu avi lingua arriva a mari.
Mali nun fari e paura n'aviri.
Ariu chiaru nun si scanta di truoni.
Cu nun pò fari comu vola fa comu pò.
Trìulu 'nsigna a ciàngiri.
|
|
|
|
|
|
