|
Proverbi Siciliani
"Lu maritari e' cuomu lu miluni, nun si sapi 'nzocchi truovi "
" Unni ci su carti, leggiri si vuonnu "
" L'acqua si fussi bona, nun si ittassi vadduna vadduna"
"Ciano' Ciano', la pena e' mia e li guai su to' "
"Sociri e nori iettatili fori "
" Cu sparti avi la meglia parti "
" Chiddu chi simini arricuogli "
" Cu disía e cu schifía "
" Quannu na fimmina annaca l'anca,
si nun e' buttana, picca ci manca "
"L'arbulu pecca e la rama arricivi"
"A lu poveru e a lu malatu, nuddu lu cerca l'apparintatu "
" Cu nun rizica, nun ruzica "
"Ahime'! Tri voti dicu: cu cadi in poverta' perdi l'amicu "
" La meglia parola e' chidda ca nun si dici "
" Un omu fa nantru omu "
" Strinci e vasa la to' casa "
" La mamma e' l'arma, cu la perdi nun la guadagna "
" Puru la riggina avi bisuognu di la vicina "
"Du bieddi 'nu un cuscinu nun puonnu dormiri "
" Tra carni e ugna nuddu si ci ancugna "
" Diciennuti no, ti fa l'amicu e la robba t'arresta"
"Lu signuri duna li viscotta a cu nun avi li dienti "
" 'Nti la casa dunni nun c'e' l'omu, nun c'e' rispiettu"
"Na nuci 'nto saccu nun po' scrusciri "
"Lu vicinu e' sirpenti: si nun ti vidi, ti senti "
" Cu di la vecchia s'innamura nun si godi la vintura "
" Ogni cacatedda di musca e' sustanza "
" Avanti cu la fa, ca cu la ricivi "
" Lu rispiettu e' misuratu, si nun ni' puorti nun t'e' purtatu "
" Cu mancia fa muddichi "
"A cu mi duna lu pani lu chiamu patri "
" Cu avi dinari campa filici, ma cu nunn'avi perdi l'amici "
" Nun essiri dunci sinno' ti mancianu,
Nun essiri amaru sinno' ti rifiutanu "
"O canti la missa, o puorti la madonna "
" Quantu tira un pilu di fimmina ammuntata,
nun puonnu quattru vua 'nappinninu"
" Li figli di li atti acchiappanu surci "
" Dunni ci vuonnu li fatti, li paroli nun abbastanu"
" Cu avi lingua arriva a mari "
" Megliu 'na vota arrussicari, ca tanti voti aggiarniari "
"Pi' un curnutu ci voli un curnutu e miezzu "
"Amaru cu avi la mala vicina "
" Cu avi cchiu' sali, conza la minescia "
" Aria chiara, nun c'e' paura di trona "
" Pensa a lu mali ca a lu beni ti ci truovi"
"Sulu a la morti nun c'e' rimidiu "
|
|
