| MORI E RICIURISCI Cu mai ascuta quannu nasci 'n ciuri?... Eppuru nasci e crisci silinziusu, E l'alimenta poi, cu tantu amuri, La terra ccu lu suli purtintusu! E' viva l'erva ca sbatti lu ventu, Ca crisci in ogni puntu maistusa ! Crisci la marva, crisci lu frumentu E fatta d'oru pari la mimùsa. Chi quatru ca ti crìa la natura!... Quatru ca quarchi pedi lu calpista. Lu suli cchi so' raggi l'accalura E l'Omu si trania a sta gran vista. Haju tanti e tanti voti custatàtu, Intra dd'urtuzzu mìu nicarèddu, Ca pigghia forma di celu stiddàtu, Quannu c'è ciuri. E quantu pari bèddu!. Ma poi lu ciuri mori: e cu cci pensa?... Sicca la rosa, sicca la margarita! Rinasciunu però, ccu la simenza E riciurisci 'n etemu la vita |